რა ღირს ახალციხეში არასასოფლო–სამეურნეო დანიშნულების მიწა

თვითმმართველ თემში, ახალციხის მუნიციპალიტეტში სახელმწიფო და ახალციხის მუნიციპალიტეტის საკუთრებაში არსებული სასოფლო–სამეურნეო დანიშნულების მიწის ნორმატიული ფასზე იმსჯელეს.

როგორც ადგილობრივ თვითმმართველობაში განმარტეს, მუნიციპალიტეტები ვალდებულები არიან ყოველი წლის დასაწყისში არასასოფლო–სამეურნეო დანიშნულების მიწის ნორმატიული ფასი დაადგინონ.

„ფორმულა, რითაც იანგარიშება მიწის ნორმატიული ფასი, იგივე დარჩა, შესაბამისად, მიწის ფასი ჩვენთანაც არ გაზრდილა“, – განაცხადა იურიდიული სამსახურის უფროსმა თამარ გოგინაშვილიმა.

ახალციხის თემში 1 კვ.მ–ზე ფასები ადგილმდებარეობის მიხედვით ასეა გადანაწილებული:

ვალის ტერიტორია – 3.36 ლარი;

დანარჩენი სოფლები სამ ზონად დაიყო: ცენტრალური, შუალედური და პერიფერიული.

ცენტრალური ზონა – 2. 97 ლარი;
შუალედური ზონა – 2.70 ლარი;
პერიფერიული ზონა – 2.43 ლარი;

რაც შეეხება ქალაქს, მიწის ნორმატიული ფასი ქალაქ ახალციხის მერიამ 1 თებერვალს დაამტკიცა.

ახალი დადგენილების მიხედვით, ქალაქ ახალციხის საკრებულომ ქალაქში არსებული ტერიტორია სამ ზონად დაყო, შესაბამისად ერთი კვადრატული მეტრი მიწის ნორმატიული ფასი ასე გადაანაწილა:

ცენტრალური ზონა –14,04 ლარი;
შუალედური ზონა– 10.80 ლარი;
პერიფერიული ზონა –7.56 ლარი;

არასასოფოლო სამეურნეო მიწის ნორმატიულ ფასებს საკრებულო ყოველი წლის დასაწყისში ამტკიცებს.

[თინათინ ზაზაძე, ახალციხე]