'ქართულ ჭიდაობას' ეროვნული მნიშვნელობის ძეგლის სტატუსი მიენიჭა

"ჭიდაობა სპორტის უძველესი სახეობაა, რომელიც ფართოდ იყო გავრცელებული საქართველოში. მისი, როგორც სპორტის ეროვნული სახეობის სიძველეზე მეტყველებს „ალავერდის“ კედელზე შესრულებული ჭიდაობის სცენაც. სცენაზე აღბეჭდილი პერსონაჟთა სახეები, სამოსი და მოძრაობის პლასტიკა, ერთმნიშვნელოვნად მიანიშნებს ქართულ ტრადიციულ საჭიდაო ხელოვნებაზე. მსგავსი შეჯიბრება საქართველოში თან სდევდა რელიგიურ დღესასწაულებს.

ამგვარად, ქართული ჭიდაობა ჩვენი ერის იდენტობის განმსაზღვრელი და თვითმყოფადობის გამოხატულებაა", – ნათქვამია კულტურის სამინისტროს მიერ გავრცელებულ განცხადებაში.

აქამდე “ქართულ ჭიდაობას” ჰქონდა არამატერიალური კულტურული მემკვიდრეობის ძეგლის სტატუსი, რომელიც კულტურული მემკვიდრეობის დაცვის ეროვნულმა სააგენტომ 2014 წელს მიანიჭა.


„ალავერდის“ კედელზე შესრულებული ჭიდაობის სცენა

[sknews.ge]