ქალი საჭესთან - მოწესრიგებული თუ წესების დამრღვევი [Video]

გამოკითხულთა ნაწილი ფიქრობს, რომ ქალი საჭესთან არ უნდა იჯდეს, რადგან დაუკვირვებელია და მოძრაობის წესებს არ იცავს. ამ აზრზე ძირითადად ახალგაზრდა ბიჭები არიან.

”არ მომწონს ქალი, რომ საჭესთან ზის, რადგან მოძრაობის წესებს არ იცავენ. ამიტომ, ხშირ შემთხვევაში ავარიის მონაწილეები სწორედ ქალები არიან. ყოველთვის ვხვდები თუ როდის ზის ქალი საჭესთან, მანქანას ისე მართავენ”, - ამბობს სტუდენტი ბექა ვაჭარიძე.

თუმცა, მოსახლეობის ნაწილი ამ აზრს არ ეთანხმება და ამბობს, რომ როგორც მამაკაცებს ასევე ქალბატონებსაც სჭირდებათ ერთი ადგილიდან მეორე ადგილზე სწრაფი გადაადგილება. ადგილობრივები ფიქრობენ, რომ მოძრაობის წესებს ქალები უფრო იცავენ ვიდრე მამაკაცები.

”კარგია, როცა ქალმა ავტომობილის მართვა იცის. არსებობს შემთხვევები, როცა მოძრაობის წესებს მანდილოსნებიც არღვევენ, თუმცა ხშირ შემთხვევაში ავარიებს მამაკაცები აკეთებენ, რადგან გადაჭარბებული სიჩქარით მოძრაობენ. მთავარია ქალმა ავტომობილის მართვა კარგად იცოდეს და ყველა წესი დაიცვას,” - ამბობს ახალციხელი თამარ გოგოლაძე.



[ნინო გოგოლაძე, ახალციხე]