ნინოწმინდაში, 24 წლის ახალგაზრდის მკვლელობის საქმეზე პოლიციელები დაიკითხნენ

დღეს, 10 იანვრას ახალციხის რაიონულ სასამართლოში სათხა-ნინოწმინიდის გაზაზე მომხდარი მკვლელობის საქმეზე, სასამართლო სხდომა ერთ საათს გაგრძელდა.

სხდომაზე მოწმის სახით ის პოლიციელები დაიკითხნენ, რომლებიც მკვლელობის ღამეს საგამოძიებო მოქმედებებში მონაწილეობდნენ. 24 წლის ახალგაზრდის მკვლელობის საქმეზე ბრალდების მხარის მტკიცებულებების გამოკვლევა მომავალ სხდომაზეც გაგრძელდება, რომელიც 18 იანვარს ჩაინიშნა.

შეგახსენებთ, რომ ნინოწმინდაში მკვლელობა 6 ივლისს საღამოს მოხდა. გამოძიების ინფორმაციით, ალკოჰოლის ზემოქმედების ქვეშ მყოფი გარდაცვლილი და ბრალდებული შელაპარაკდნენ, რის შემდეგაც გარდაცვლილმა ა.მ-ს სხეულზე დაზიანებები მიაყენა, საპასუხოდ კი ბრალდებულმა გულ-მკერდის არეში დანა ჩაარტყა.

პროკურორის, მამუკა ქომოშვილის თქმით, შემთხვევის ადგილიდან სამი დანაა ამოღებული, ამიტომ იგი არ გამორიცხავს, რომ ჯგუფური თავდასხმა იყო. მიუხედავად ამისა, მკვლელობის საქმეზე, ამ დრომდე ა.მ-ს გარდა სხვა პირი დაკავებული არ არის.

სასამართლო სხდომაზე, 25 წლის ახალგაზრდის ინტერსებს სახაზინო ადვოკატი ტარიელ ბალაბანიშვილი და რევაზ კაჭკაჭიშვილი იცავენ. საქმეზე გამოძიება, სსკ-ს 108-ე მუხლით მიმდინარეობს. ბრალის დამტკიცების შემთხვევაში 25 წლის ახალგაზრდას 7-დან 15 წლამდე პატიმრობა ემუქრება.

[sknews.ge]