ახალციხის სოფლებში საახალწლო ღონისძიებები დაიწყო [Photo]

საახალწლო ღონისძიებები ახალციხის თემმა დღეიდან, 26 დეკემბრიდან დაიწყო. სიმბოლურ ფორმებში გამოწყობილი ორი თოვლის ბაბუა და მათი დამხმარეები 15 სოფელსა და ქალაქ ვალეს ესტუმრნენ. მათ დასახლებებში შემხვედრ პატარებს ტკბილეული დაურიგეს.

ღონისძიება კიდევ ორ დღეს გაგრძელდება. თოვლის ბაბუები დარჩენილ სოფლებს ესტუმრებიან და ბავშვებს კიდევ დაასაჩუქრებენ. საბოლოოდ, ღონისძიება 45 სოფელს მოიცავს.

ახალციხის მუნციპალიტეტი, დამდეგ ახალ წელს, მოსახლეობას მსგავსი ფორმით პირველად ულოცავს, რისთვისაც ადგილობრივი ბიუჯეტიდან 35 700 ლარი გამოიყო. ამ თანხაში შედის ქუჩების მორთვაც. ქუჩები მოირთვება ქალაქ ვალეში და სოფლებში: აწყურში, სხვილისში, წყალთბილაში, მინაძეში, აგარასა და წნისში.










[sknews.ge]