უამინდობის გამო ახალციხის გზებზე საცობებია [Photo]

ახალციხეში თოვა დილიდან დაიწყო და ამ დრომდე გრძელდება. უამინდობამ გზებზე მანქანების მოძრაობა შეაფერხა. დაფიქსირდა ავტოსაგზაო შემთხვევებიც.

ქალაქ ახალციხის ქუჩების გაწმენდაზე პასუხისმგებელი ტენდერში გამარჯვებული კომპანია შპს „ოცხეა“. როგორც კომპანიის ხელმძღვანელი იური მელიქიძე განმარტავს, გზებზე მარილის დასაყრელად ტექნიკა მზად არის, თუმცა მარილის მოყრის საჭიროება ჯერჯერობით არ არის: „თოვს, მაგრამ თან დნება, მარილი, რომ მოვაყაროთ, სველი გზაა გადაირეცხება და უშედეგო იქნება“.

მისივე თქმით, შესაძლოა მარილი ქალაქის ცენტრალურ ქუჩებზე საღამოს დაყარონ: „ვნახავთ როგორ დაიდება თოვლი, ტექნიკით გავწმენდთ და თუ გაიყინა, მარილსაც მოვაყრით“.

მიმდინარე წელს ახალციხის ქუჩების მოვლა–პარტონობისთვის ქალაქ ახალციხის ბიუჯეტიდან 178 000 ლარია გათვალიწინებული.

კომპანიის ხელმძღვანელის იური მელიქიძის განმარებით, მარილი მხოლოდ ცენტრალურ ქუჩებზე და იმ აღმართებზე დაიყრება, სადაც ავტომანქანებს გადაადგილება გაუჭირდებათ: „თუ ძლიერი თოვლი მოვიდა, შიდა ქუჩებზეც დავაყრით, ჩვენი დამკვეთი ახალციხის მერიაა, სადაც გვეტყვის, იქ მოვაყრით“.
















[თინათინ ზაზაძე, ახალციხე]