საფრანგეთის ელჩი ახალციხეში ქართულ–ფრანგულ პროექტს გაეცნო

საქართველოში საფრანგეთის საგანგებო და სრულუფლებიანი ელჩი, პასკან მონიე ახალციხეს 12 ოქტომბერს ეწვია. მას პირველი ვიზიტი არასამთავრობო ორგანიზაცია ,,კავკასიური რძის“ წარმოამდგენლებთან ჰქონდა, სადაც ქართულ–ფრანგული პროექტის ფარგლებში განხორციელებულ აქტივობებსა და ორგანზიაციის ხედვას გაეცნო.

ორაგანიზაციის წარმომადგენლები, საფრანგეთის ელჩს, სამცხე–ჯავახეთში მერძევეობისა და მესაქონლეობის განვითარების პერსპექტივებზე ესაუბრნენ და აღნიშნეს, რომ ფერმერთა დასახმარებლად ორი ქვეყნის სპეციალისტები ერთობლივად მუშაობენ.

„საქართველოში ძალიან დიდი როლი ეკისრება სოფლის მეურნეობის განვითარებასა და რადგან საფრანგეთი ამ კუთხით ერთ–ერთი ძლიერი ქვეყანაა, ვფიქრობ, ბევრი კარგი რამის გაკეთება შეგვიძლია ერთობლივად. ჩემი დიდი სურვილია, რომ შეიქმნას ფრანგულ–ქართული უნივერსიტეტი სოფლის–მეურნეობის მიმართილებით და ამ კუთხით ნაბიჯები უკვე გადადგმულია“, – განმარტა საფრანგეთის ელჩმა საქართველოში პასკან მონიემ.

ქართულ–ფრანგული ერთობლივი პროექტი GBDC-fert ახალციხეში 2009 წლიდან მუშაობს. იგი რეგიონის სამ მუნიციპალიტეტს: ასპინძას, ახალციხესა და ადიგენს მოიცავს. პირველი ორი წლის განმავლობაში, პროექტის ავტორებმა სამცხე–ჯავახეთში, ფერმერული მეურნეობის კუთხით არსებული მდგომარეობა შეისწავლეს, ფერმერების გამოცდილებასა და ტრადიული მეთოდების გამოყენებისას მიღებულ შედეგებს გაეცვნენ. პრაქტიკული მუშაობა კი ორგრანიზაციამ 2011 წელს დაიწყო. ამ ეტაპზე, „კავკასიური რძე“ რამდენიმე მიმართულებით მუშაობს:

 ფერმერული მეურნეობების განვითარება;
 ფერმერთა ჯგუფების გაძლიერება, რომლებიც შემდეგში გადაწყვეტილებების მიღების პროცესში უნდა ჩაერთონ;
 თავად ორგანიზაციის გაძლიერება და სხვადასხვა სერვისების მიწოდება ფერმერებისათვის.

პროექტის ფარგლებში, სპეციალისტები ფერმერებს თავიანთი ფერმერული მეუნეობის განვითარებისათვის ტექნიკურ და თეორიულ დახმარებას უწევენ, ფერმებში ინოვაციურ მეთოდებს ნერგავენ, ექსპერიმენტებს აკეთებენ მერძევეობის კუთხით.

„პროექტი საფრანგეთის საელჩოში წარვადგინეთ. ელჩი ძალიან დაინტერესდა, უნდოდა, რომ დეტალურად გასცნობოდა ჩვენს პროექტს და გვეწვია. ვფიქრობთ, რომ განსხვავებული მიდგომა გაქვს სხვა ორგანიზაციებთან შედარებით. ძირითადი იდეები მოდის ფერმერებისგან და ასევე ისინი არიან ჩართულები გადაწყვეტილების მიღების პროცესში. ამ ურთიერთთანამშრომლობის პროცესში, ჩვენ ორი წელია გვეხმარება საფრანგეთის საელჩოც“, – განმარტავს ქართულ–ფრანგული ერთობლივი პროექტის "კავკასიური რძის“ ხელმძღვანელი ზურა ყულჯანიშვილი.
დღის მეორე ნახევარში, საფრანგეთის ელჩი, ორგანიზაციის წარმომადგენლებთან ერთად სოფელ რუსთავში გაემგზავრა. მან ადგილზე მოინახულა ორგანიზაციის მიერ განხორციელებული პრაქტიკული სამუშაოები, გაესაუბრა ფერმერებს და დაათვალიერა ფერმა. ასევე მან ყველისა და ადგილობრივი რძის პროდუქცია დააგემოვნა.

[თაკო ფეიქრიშვილი, ახალციხე]