დამატებითი რეგისტრაცია პირველკლასელებისთვის

საქართველოს განათლებისა და მეცნიერების მინისტრის #696 ბრძანების მიხედვით, თუკი ამ დრომდე, ბავშვის რეგისტრაცია ვერცერთ სკოლაში მოხერხდა, მშობლებს საშუალება აქვთ ის 14 სექტემბერს დაარეგისტრირონ. რეგისტრაცია იმ სკოლაში უნდა განხორციელდეს, სადაც თავისუფალი ადგილებია.

რეგისტრაციისათვის, მშობელმა ყველა საჭირო საბუთი სასურველ სკოლაში უნდა მიიტანოს, რის შემდეგაც, ბავშვს თავად სკოლა დაარეგისტრირებს. შესაძლებელია, სკოლაში, 14 სექტემბერს, მსურველმა მხოლოდ განცხადება და დაბადების მოწმობა მიიტანოს, სხვა საბუთები კი მომდევნო დღეებში შეავსოს.

მოსწავლის პირველ კლასში ჩასარიცხად წარსადგენი აუცილებელი დოკუმენტებია:

• მოსწავლის კანონიერი წარმომადგენლის განცხადება, რომელიც უნდა შეიცავდეს კანონიერი წარმომადგენლის საცხოვრებელი ადგილისა და ტელეფონის ნომრის თაობაზე ინფორმაციას;
• დაბადების მოწმობის ან პირადობის დამადასტურებელი დოკუმენტის სანოტარო წესით დამოწმებული ასლი;
• საჯარო სამართლის იურიდიული პირის – სახელმწიფო სერვისების განვითარების სააგენტოს ან მისი ტერიტორიული სამსახურის მიერ გაცემული დოკუმენტი, რომლითაც დასტურდება მოსწავლისათვის პირადი ნომრის მინიჭება;
• სკოლას უფლება აქვს დამატებით მოითხოვოს მოსწავლის ფოტოსურათის და სხვა დოკუმენტაციის წარდგენა.

[sknews.ge]