ახალციხეში ტექნიკის მაღაზია 'ზუმერი' გატეხეს

შემთხვევა 15 ივლისს, შუა ღამით, დაახლოებით სამ საათზე მოხდა. „ზუმერის“ მენეჯერის, რიტა პარუნაშვილის თქმით, ამ დრომდე არ იციან, რა ოდენობის ზარალი მიადგა მაღაზიას: „ძირითადად, მობილური ტელეფონები წაიღეს. ამ ეტაპზე რა დანაკარგი გვაქვს, ჯერ არ დაგვითვლია და ვერ გეტყვით“.

მაშ შმედეგ, რაც მაღაზიის მინის კარი ჩაიმსხვრა ობიექტზე სიგნალიზაცია ჩაირთო და ადგილზე "დაცვის პოლიცია" მივიდა. მძარცველებმა მიმალვა მოასწრეს. „მძარცველები ცხელ კვალზე არ აუყვანიათ,“ - ამატებს „ზუმერის“ მენეჯერი.

როგორც "სამხრეთის კარიბჭეს" შინაგან საქმეთა სამინისტროში განუცხადეს, ფაქტზე ამ დრომდე დაკავებული არავინაა. გამოძიება სსკ-ის 177-ე მუხლით მიმდინარეობს, რაც ქურდობას გულისხმობს.



[ავთო ინასარიძე, ახალციხე]