![‘თუ გინდათ მოქალაქეობა, ისწავლეთ ქართული’– პრეზიდენტი ეთნიკურ სომხებს მოქალაქეობის აღდგენაზე ‘თუ გინდათ მოქალაქეობა, ისწავლეთ ქართული’– პრეზიდენტი ეთნიკურ სომხებს მოქალაქეობის აღდგენაზე](/uploads/posts/2019-04/1555237337_bbbbbb-v-bbbbbbbb-bbbbb.jpg)
დღეს, 14 აპრილს, საქართველოს პრეზიდენტი სალომე ზურაბიშვილი ახალქალაქში იმყოფება და აქ დედა ენის დღისადმი მიძღვნილ ღონისძიებას ესწრება.
პრეზიდენტმა სიტყვით გამოსვლის დროს ყურადღება სკოლებში გოგებაშვილის დედაენის დაბრუნებაზე გაამახვილა: „ის ფაქტი, რომ ეს დედა ენა უბრუნდება სკოლებს და ამით ისწავლიან ბავშვები სახელმწიფო ენას, ეს არის შესანიშნავი“.
მან შეკრებილ საზოგადოებას, იმისთვის რომ მასთან შესახვედრად მივიდნენ, მადლბა გადაუხადა: „მინდა ყველას მადლობა გითხრათ ვინც აქ მოხვდით. ვიცი რომ ყველას არ გესმით ქართული, ზოგს შეიძლება ნაწილობრივ გესმით მაგრამ მნიშვნელოვანია რომ მაინც მოხვედთ“.
პრეზიდენტი ამბობს, რომ იგი ვალდებულია ქართულ სახელმწიფო ენას პოპულარიზაცია გაუწიოს: „მინდა, რომ ქართლი ენა გახდეს ნამდვდილად სახელმწიფო ენა, ყველას ენა, როგორც მე ვარ ყველას პრეზიდენტი, მე მაქვს პასუხისმგებლობა, ენის გავრცელებაზე, პოპულარიზაციაზე. რატომ არის საჭირო, რომ სახელმწიფო ენა იყოს ყველასთვის ხელმისაწვდომი? იმიტომ რომ ენა არის მთავარი კარი ურთიერთობებისა, თუ გვინდა რომ ერთმანეთს ვესაუბროთ, გავუგოთ, პატივი ვცეთ, ეს ყველაფერი გადის საუბარზე, ურთიერთგაგებაზე“.
ზურაბიშვილის თქმით, რომ არა 1978 წლის 14 აპრილი, საქართველო დამოუკიდებელი ვერ იქნებოდა: „ენა არის კარი სახლემწიფოს გაძლიერებისა. ამისთვის იბრძოდნენ 14 აპრილს, 1978 წელს, რომ სახლემწიფო ენა ყოფილიყო დაცული და მათ რომ არ გაემარჯვებინათ, მერე არ მოჰყვებოდა დამოუკიდებლობა და სახელმწიფოს აღდგენა. ეს ყველაფერი არის ერთად და ძალინ მჭიდროდ გადაჯაჭვული, არ შეიძლება ერთი მეორეს გარეშე“.
პრეზიდენტის თქმით, ძნელია იყო საქართველოს სრულყოფილი მოქალაქე, თუ არ იცი სახელმწიფო ენა: „მაქვს დიდი სურვილი ყველა, ვინც აქ ბრძანდებით, თქვენი შვილები, გახდეთ სრულყოფილი საქართველოს მოქალაქეები. ამიტომ არის რომ მე ძალინ ბევრი გავაკეთე იმისთვის, რომ ორმაგი მოაქალაქეობა იყოს ყველასთვის შესაძლებელი. დღეს ყველას აქვს უფლება დაიბრუნოს და აღიდგინოს საქართველოს მოქალაქეობა. ამისთვის უნდა გადადგათ ერთი ნაბიჯი, რაც ნიშნავს იმას რომ თუ გინდათ მოქალაქეობა ამ ქვეყნის, ეს არის ამ ენის სწავლა იმ დონეზე, მაინც რომ ჩააბაროთ ის პატარა გამოცდა რაც თან ახლავს მოქალაქეობის აღდგენის პროცესს. ეს არის სიმბოლური, მაგრამ ამავე დროს ძალინ ბევრს ნიშნავს. ეს ნიშნავს იმას, რომ საქართველოს უნდა, რომ თქვენ გახდეთ სრული მოქალაქეები“.
პრეზიდენტმა ახალქალაქის კულტურის ცენტრში სიტყვით გამოსვლა ქართულენოვანი საბავშვო ბაღების გახნის აუცილებლობაზე საუბრით დაასრულა: „მიდნა გითხრათ, რომ მე, ჩვენ, სახელმწიფო არაფერს დავიშურებთ იმისთვის, რომ უფრო მეტად ხელმისაწვდომი იყოს სახელმწიფო ენა. სულ პატარა ბავშვებისთვის ბაღიდან იწეყაბა ენის შესწავლაც და კარიერაც. აქედან დღეს ახალქალაქიდან უნდა ვთქვა ხმამაღლა, რომ აუცილებელია ის, რომ ძალიან მოკლე მომავალში გაიხსნას ქართულენოვანი ბაგა–ბაღი. მომავალ წელს, როცა აქ ჩამოვალ ეს აღარ იქნება სურვილი, ეს იქნება განხორციელებული“.
პრეზიდენტი სამცხე–ჯავახეთში ორდღიანი ვიზიტით იმყოფება. გუშინ, 13 აპრილს, იგი რეგიონის მუნიციპალიტეტების
მერებს ახალციხეში,სამხარეო ადმინისტრაციის შენობაში
შეხვდა და ინფრასტრუქტურული პროექტები მიმოიხილა. ამის შემდეგ პრეზიდენტი, სოფელ ღრელში მეფუტკრეს ზაზა ივანიძეს
ეწვია, მოგვიანებით კი ახალგაზრდა მეწარმეებს
შეხვდა. გუშინვე, საღამოს პრეზიდენტი ახალქალაქში გაემგზავრა, აქ იგი დღეს, 14 აპრილს დედა ენის დღისადმი მიძღვნილ ღონისძიებას ესწრება.
[sknews.ge]