სამცხე–ჯავახეთის სახელმწიფო უნივერსიტეტში სწავლა 12 სექტემბერს დაიწყება. პირველკურსელებმა რეგისტრაცია 29 აგვისტოდან 30 სექტემბრის ჩათვლით უნდა გაიარონ.
რეგისტრაციისათვის საჭიროა შემდეგი დოკუმენტაცია:
1. პირადობის დამადასტურებელი დოკუმენტის 2 ასლი;
2. ერთიანი ეროვნული გამოცდების პლასტიკური ბარათის ასლი;
3. სრული ზოგადი განათლების დამადასტურებელი დოკუმენტის - ატესტატი.
4. სამხედრო აღრიცხვაზე ყოფნის დამადასტურებელი დოკუმენტის ასლი (მხოლოდ ვაჟებისთვის);
5. ფოტოსურათის ელექტრონული ვერსია (CD).
ივ. ჯავახიშვილის სახელობის თბილისის სახელმწიფო უნივერსიტეტში სასწავლო წელი 26 სექტემბერს დაიწყება. პირველკურსელთა ადმინისტრაციული რეგისტრაცია კი 6-დან 12 სექტემბრამდე გაგრძელდება.
ილიას სახელმწიფო უნივერსიტეტში სასწავლო პროცესი 10 ოქტომბერს დაიწყება, პირველკურსელთა რეგისტრაცია კი 1 – დან 16 სექტემბრის ჩათვლით იქნება შესაძლებელი.
საქართველოს ტექნიკურ უნივერსიტეტში სწავლა 10 ოქტომბერს იწყება, პირველკურსელებს რეგისტრაციას, 1-დან 27 სექტემბერის ჩთვლით შეეძლებათ.
თბილისის თავისუფალ უნივერსიტეტში სწავლა 12 სექტემბერს იწყება. პირველი კურსის სტუდენტების რეგისტრაცია 7, 8, 9 სექტემბერს 13:00 საათზე და 16:00 საათზე კახა ბენდუქიძის საუნივერსიტეტო კამპუსში იქნება შესაძლებელი.
აღმოსავლეთ ევროპის უნივერსიტეტში რეგისტრაციის გავლა შესაძლებელია 1 აგვისტოდან 3 სექტემბრის ჩათვლით. ხოლო მაგისტრანტებისთვის 1 აგვისტოდან 10 სექტემბრის ჩათვლით. სწავლა 12 სექტემბერს დაიწყება.
თბილისის სახელმწიფო სამედიცინო უნივერსიტეტში სწავლა დაიწყება 19 სექტემბერს. პირველადი რეგისტრაცია შესაძლებელია 5 –დან 17 სექტემბრის (შაბათი) ჩათვლით, გარდა 10–11 სექტემბრისა (შაბათ–კვირა).
გორის სახელმწიფო სასწავლო უნივერსიტეტში სწავლა 15 სექტემბერს იწყება, პირველკურსელთა რეგისტრაცია კი 1 სექტემბრიდან დაიწყება.
აკაკი წერეთლის სახელმწიფო უნივერსიტეტში სასწავლო პროცესი 19 სეტემბრიდან განახლდება. პირველკურსელები დარეგისტრირება 1-დან 18 სექტემბრის ჩათლით შეძლებენ.
საქართველოს საავიაციო უნივერსიტეტში სწავლა 12 სექტემბერს იწყება. აბიტურიენტები, რომლებმაც ერთიანი ეროვნული გამოცდების საფუძველზე მოიპოვეს საქართველოს საავიაციო უნივერსიტეტში ჩარიცხვის უფლება, 6 სექტემბრამდე უნდა გამოცხადდნენ უნივერსიტეტში და წარმოადგინონ საბუთები.
გრიგოლ რობაქიძის სახელობის უნივერსიტეტში ახალი სასწავლო წელი 19 სექტემბერს დაიწყება. პირველკურსელთა რეგისტრაცია კი 5–დან და 10 სექტემბრამდე გაგრძელდება.
საქართველოს საპატრიარქოს ანდრია პირველწოდებულის სახელობის ქართულ უნივერსიტეტში პირველკურსელთა რეგისტრაცია 5-დან 16 სექტემბრამდე გაგრძელდება, სწავლა კი 19 სექტემბერს დაიწყება.
კავკასიის საერთაშორისო უნივერსიტეტში სასწავლო პეოცესი 12 სექტემბრიდან დაიწყება.რაც შეეხება პირველკურსელებს, რეგისტრაცია 31 აგვისტოდან 10 სექტემბრის ჩათვლით გამოცხადდა.
თბილისის სასწავლო უნივერსიტეტს პირველკურსელებმა რეგისტრაციისთვის 29 აგვისტოდან 16 სექტემბრის ჩათვლით უნდა მიმართონ. 2016-2017 სასწავლო წელი უნივერსიტეტში 19 სექტემბერს იწყება.
სუხიშვილის სასწავლო უნივერსიტეტი – აბიტურიენტებმა, რომლებმაც ერთიანი ეროვნული გამოცდების წარმატებით გავლის შედეგად მოიპოვეს სუხიშვილის სასწავლო უნივერსიტეტში სწავლის უფლება, რეგისტრაცია უნდა გაიარონ 29 აგვისტოდან 9 სექტემბრის ჩათვლით. ახალი სასწავლო წელი კი 12 სექტემბერს დაიწყება.
ქუთაისის უნივერსიტეტში სწავლა 19 სექტემბერს იწყება, პირველკურსელთა რეგისტრაციის ვადა კი 2– დან 16 სექტემბრის ჩათვლით განისაზღვრა.
[თაკო ფეიქრიშვილი, ახალციხე]