ასპინძის მაჟორიტარი დაკითხვაზე დაიბარეს

ფოტო: 08.09.2012. "ნაციონალების" ყრილობა ახალციხეში
ლონდარიძე მთავარ პროკურატურაში დღეს 17:00 საათზე უნდა გამოცხადებულიყო, თუმცა, ასპინძის მაჟორიტარი დეპუტატი დაკითხვაზე არ მივიდა.

„ბოლო დროს, უმცირესობის დეპუტატების პროკურატურაში დაბარებასთან დაკავშირებით უმცირესობას განცხადება გაკეთებული აქვს და ამის შესახებ პარლამენტმაც და ქართულმა საზოგადოებამაც კარგად იცის“ - განუცხადა „სამხრეთის კარიბჭეს“ ლონდარიძემ სატელეფონო საუბრისას.

ისევე როგორც უმცირესობის სხვა წევრები, ლონდარიძეც პროკურატურაში მის დაბარებას ბოლო დროს კონსტიტუციაში შესატანი ცვლილებებისათვის, უმრავლესობის მხრიდან ზეწოლად აფასებს და აცხადებს, რომ ამისათვის უმრავლესობას უმცირესობის გადაბირება სჭირდება.

რაც შეეხება საკითხს, თუ რისთვის იბარებნენ ლონდარიძეს, დეპუტატი ფიქრობს რომ ეს სავარაუდოდ საქართველოს ყოფილი თავდაცვის მინისტრის სამქეს უნდა უკავშირდებოდეს: „ყოფილი სამხედრო მოსამსახურე ვარ, სხვა რაზე დამიბარებდა პროკურატურა?“

ლონდარიძე აცხადებს, რომ გამოძიებასთან თანამშრომლობას არ აპირებს: „პროკურატურაში თუ კიდევ დამიბარებენ, არ მივალ“.

[თამუნა უჩიძე, ახალციხე]