მოსალოდნელმა მიწისძვრამ ახალციხელებიც შეაშინა [Video]

სეისმოლოგების განმარტებით წინასწარ მიწისძვრის პროგნოზირება შეუძლებელია, ამდენად, პანიკის საფუძველი არ არსებობს. თუმცა, გავრცელებული ინფორმაციამ მოსახელობაში პანიკა მაინც გამოიწვია. რის გამოც ახალციხის სკოლამდელი აღზრდის დაწესებულებებიდან მშობლებმა ბავშვები გამოიყვანეს. სასწავლო პროცესი ჩაიშალა ახალციხის სახელმწიფო სასწავლო უნივერსიტეტშიც.

- “ლექციების მსვლელობის დროს, ერთ-ერთმა ჩემმა კურსელმა საჯაროდ გააკეთა განცხადება, რომ მოსალოდნელი იყო ძლიერი მიწისძვრა, ამიტომ უნივერსიტეტის შენობა დავტოვეთ”, - ამბობს სტუდენტი ლანა ლონდარიძე.

გავრცელებული ინფრომაციის გამო შენობებიდან გამოვიდნენ სხვადასხვა საჯარო დაწესებულების თანამშრომლებიც. ხალხმრავლობა იყო ადმინისტრაციული შენობის მიმდებარე ტერიტორიაზეც.

- “გვითხრეს, რომ მოსალოდნელი იყო ძლიერი მიწისძვრა, ამიტომ შენობა დაგვატოვებინეს, დღეს სასწავლო პროცესიც ჩიაშალა”, - ამბობს ია დალალიშვილი.

შეგახსენებთ, რომ მოსალოდნელი მიწისძვრის შესახებ ინფრომაცია ერთ-ერთმა ტელეკომპანიამ გაავრცელა. ვარაუდობდნენ, რომ 14:00-15:00 საათამდე საქართველოს მაშტაბით ძლიერი მიწისძვრა იყო მოსალოდნელი. თუმცა, აღმოჩნდა, რომ აღნიშნული ინფრომაცია სიმართლეს არ შეესაბამებოდა. მაგრამ მოსახლეობაში პანიკა ერთი საათის შმდეგაც იგრძნობოდა.



[ნინო გოგოლაძე, ახალციხე]