C ჰეპატიტის ელიმინაციის პროგრამაში ჩართვა ნებისმიერ პაციენტს შეეძლება

ჯანდაცვის მინისტრის განცხადებით, დღემდე ეს მხოლოდ მძიმე დაავადების ნიშნების მქონე პაციენტებისთვის იყო ხელმისაწვდომი და მიღწეულია მნიშვნელოვანი შედეგი, რომელიც დავით სერგეენკოს და მთელი მისი გუნდის ძალიან დიდი შრომის შედეგია.

„მინდა, დიდი მადლობა გადაგიხადოთ ამ მართლაც მნიშვნელოვანი შედეგისთვის.პროგრამის დაწყებიდან დღემდე, მკურნალობის პროცესში 10 ათასზე მეტი პაციენტიაჩართული და ასევე ძალიან დადებითია ის, რომ განკურნებული ადამიანების მაჩვენებელითანდათან უფრო მატულობს. ნამდვილად მისასალმებელია, რომ საქართველოში,შესაძლებელია C ჰეპატიტი მთლიანად იქნას დაძლეული. მკურნალობის თითქმისაბსოლუტური მაჩვენებელია და ვფიქრობ, ეს მართლაც ძალიან მნიშვნელოვანი სამუშაოსშედეგია”, - აღნიშნა გიორგი კვირიკაშვილმა.

ჯანდაცვის მინისტრის, დავით სერგეენკოს განცხადებით, კიდევ ერთი სიახლეა ის, რომ თუ აქამდე პაციენტს განაცხადის შეტანიდან მკურნალობის დაწყებამდე საშუალოდ ორი თვე სჭირდებოდა, ეს პროცესი ორ კვირამდე შემცირდება.

„პოზიტიური სიახლეა ისიც, რომ თუკი არსებული კონტრაქტი პირველ ეტაპზე ითვალისწინებდა მხოლოდ 5 000 ყველაზე მძიმე მდგომარეობის მქონე პაციენტის მკურნალობას და შემდგომ წელიწადში 20 000 პაციენტის მკურნალობას, ეს პროცესი უკვე შეიცვალა. 5001-ე პაციენტმა ჯერ კიდევ შარშან, ნოემბერში მიიღო მკურნალობა. დღეის მდგომარეობით, პროგრამაში 9 000-ზე მეტი პაციენტია ჩართული, ანუ რეალურად მეორე ფაზა უკვე ნოემბერში დაიწყო“, - განაცხადა დავით სერგეენკომ.

პროგრამაში ჩასართავად პაციენტებმა უნდა მიმართონ C ჰეპატიტის სერვის ცენტრს ან სოციალური მომსახურების სააგენტოს ოფისებს.

[sknews.ge]