საბავშო ბაღების აღსაზრდელები მერიისგან ნაყინით დასაჩუქრდნენ

სკოლამდელი აღზრდის დაწესებულებებში მერიამ ნაყინის დარიგება 1 ივნისს დილიდან დაიწყო. ახალციხის მეხუთე ბაღის აღსაზრდელებს საჩუქარი ქალაქის მერმა, გიორგი კოპაძემ გადასცა.

"ბავშვთა დაცვის დღე ჩვენს ქალაქში ტრადიციულად ზეიმით აღინიშნება და 1200 ბავშვი მიიღებს ნაყინს ჩვენი დაპირებისამებრ“, – განმარტა მერმა.

მერიის ინფორმაციით, ნაყინი ახალციხის საბავშვო ბაღის 994 აღსაზრდელს გადაეცემა. საჩუქარს მე–7 საჯარო სკოლის 30 მოსწავლეც მიიღებს.
გარდა ამისა, ნაყინი დღის ბოლოს, ახალციხის ციხის ტერიტორიაზე გამართულ ღონისძიებაზეც დარიგდება.

ბავშვთა დაცვის დღისათვის ადგილობრივმა თვითმმართველობამ 1400 ნაყინი შეიძინა, რისთვისაც ბიუჯეტიდან 700 ლარი გამოიყო.

[sknews.ge]