დამოუკიდებლობის დღეს ვარძიაში წვევამდელების ფიცის დადების ცერემონია გაიმართება

საქართველოს დამოუკიდებლობის აღსანიშნავად, 26 მაისს სადღესასწაულო ღონისძიებები საქართველოს დედაქალაქსა და ყველა რეგიონში გაიმართება.

თბილისში, ბათუმში, ნოქალაქევში, ქუთაისში, იყალთოსა და ვარძიაში ერთდროულად შედგება წვევამდელთა ფიცის დადების ცერემონია. მოეწყობა სამხედრო ტექნიკის გამოფენა.

რუსთაველის გამზირზე სახელმწიფო უწყებები და კერძო კომპანიები წარმოადგენენ თემატურ გამოფენებს და სხვადასხვა სახის სანახაობებს. მოეწყობა სპორტული, საბავშვო, შემეცნებითი და ინფორმაციული კუთხეები.

26 მაისის ღონისძიებებს დაასრულებს გალა-კონცერტი, რომელიც პარლამენტის შენობის წინ გაიმართება და საზეიმო ფოიერვერკი.

[sknews.ge]