ახალციხის ციხეში დოკუმენტური ფილმის სცენებს იღებენ

დოკუმენტურ ფილმში საქრთველოს 29 მეფის ცხოვრება იქნება ასახული.

43-კაციანი გადამღები ჯგუფი ახალციხის ციხეს გუშინ ესტუმრა. ფილმის პირველი სერია ფარნავაზ მეფის ცხოვრების შესახებ მოგვითხრობს. სწორედ ამ სერიის გადაღება მიმდინარეობს ზედა ციხის ტერიტორიაზე.

დაგეგმილია 29 სერიის გადაღება. პრველი სერიის ნახვა მაყურებელს იანვრის თვეში, ბერა ივანიშვილის ტელევიზიით ”ჯი დი ეს თი ვის” ეთერით შეეძლება.

ფილმს ორი რეჟისორი ჰყავს: გიგა ბაინდურაშვილი და ამირან ამირანაშვილი. რეჟისორები ამბობენ, რომ ფილმის ბიუჯეტი განსაზღვრული არ არის.

ფილმში არაპროფესიონალი მსახიობები თამაშობენ. რეჟისორები ამბობენ, რომ მსახიობები ქასთინგის საშუალებით შეარჩიეს.

”არ მინდა ეკრანზე გაცვეთილი სახეები ჩანდეს, ვირჩევთ ნიჭიერ ხალხს, რომლებიც სცენასთან ახლოს არიან”, - ამბობს ფილმის რეჟისორი ამირან ამირანაშვილი.

ფილმის თითო სერია 26 წუთიანი იქნება. ფილმისთვის სცენების გადაღება საქართველოს ყველა კუთხეში იგეგმება. ახალციხის შემდეგ გადაღებები მცხეთაში გაგრძელდება.

[თინათინ ზაზაძე, ახალციხე]