დღეიდან მე-6 და მე-9 კლასელთა ტესტირებისთვის სკოლების რეგისტრაცია დაიწყო

ტესტირებაში სკოლების მონაწილეობა ნებაყოფლობითია. შეფასებისა და გამოცდების ეროვნული ცენტრის ინფორმაციით, ტესტირება კომპიუტერულად, 2-დან 9 ივნისის ჩათვლით ჩატარდება შემდეგ საგნებში:

მე-6 კლასი: ქართული ენა და ლიტერატურა; ქართული, როგორც მეორე ენა; მათემატიკა; ინგლისური ენა.
მე-9 კლასი: ქართული ენა და ლიტერატურა; ქართული, როგორც მეორე ენა; მათემატიკა; უცხოური ენა (გერმანული, ინგლისური, ფრანგული ან რუსული); ისტორია; გეოგრაფია; ფიზიკა; ქიმია; ბიოლოგია; ხელოვნება.

შეფასებისა და გამოცდების ეროვნული ცენტრის ინფორმაციით, ტესტირებაში სკოლების მონაწილეობა ნებაყოფლობითია. კონკრეტული სკოლის შედეგები ხელმისაწვდომია მხოლოდ მონაწილე სკოლისათვის.

მათივე განმარტებით, ტესტირების მიზანი დაწყებითი და საბაზო საფეხურის მოსწავლეთა (მე-6 კლასი, მე-9 კლასი) მიღწევების შეფასება და სასწავლო პროცესის მხარდაჭერაა.

[sknews.ge]