ბორჯომში სკოლის ეზო და სანაპირო სკვერები გაამწვანეს

გამწვანების აქციაში ადგილობრივი თვითმმართველობისა და საჯარო სკოლების ეკო-კლუბების წევრები ჩაერთვნენ.

ბზის ნერგები პირველი საჯარო სკოლის ეზოში გადანაწილდა, წყავისა და ლაგესტრემიას ხეები კი სანაპირო სკვერში დარგეს.
გამწვანების აქციისთვის ადგილობრივი ბიუჯეტიდან 3.000 ლარზე მეტი დაიხარჯა.

გამგეობის ინფორმაციით, ეს გამწვანების აქციის პირველი ეტაპია. წლის განმავლობაში 50–ზე მეტი სახეობის ხე–მცენარის დარგვაა დაგეგმილი. ამისათვის ადგილობრივი ბიუჯეტიდან 10.171 ლარი დაიხარჯება.

ბორჯომში, გამწვანების აქციისათვის ნერგებს ა(ა)იპ „ბორჯომის გამწვანება 2012“ იძენს.

[sknews.ge]