შაჰ-დენიზის პროექტის მეორე ფაზის სამუშაოები

საქართველოს მთავრობის ადმინისტრაციის ინფორმაციით, სამხრეთ კავკასიის გაზსადენის გაფართოების სამუშაოები მნიშვნელოვან ფაზაში შევიდა. პროექტის მიხედვით, გაზსადენის გამტარუნარიანობა 16 მილიარდი კუბური მეტრით გაიზრდება. განახლებული მილით მოხდება ევროპაში ბუნებრივი აირის ტრანსპორტირება კასპიის ზღვიდან, თურქეთის გავლით.

პროექტის მიხედვით, 2018-19 წლებიდან საქართველო ბუნებრივი აირის გაზრდილ მოცულობას შეღავათიან ფასად მიიღებს. საქართველოში განსახორციელებელი ინვესტიციის მოცულობა 2 მილიარდ დოლარს შეადგენს. სამუშაოებს კომპანია ,,BP" აწარმოებს.

პრემიერ-მინისტრმა გიორგი კვირიკაშვილმა კიდევ ერთხელ გაუსვა ხაზი იმ ფაქტს, რომ პროექტს უდიდესი მნიშვნელობა აქვს, როგორც საქართველოსთვის, ასევე მთლიანად რეგიონისთვის.

[sknews.ge]