ახალციხის მერიამ სოციალურად დაუცველი და შშმ ბავშვები ცირკში დაპატიჟა

საცირკო წარმოდგენას 100 ბავშვი დაესწრო.

"ბაზა გვაქვს შექმნილი სოციალურად დაუცველი ბავშვების სკოლებისა და საბავშვო ბაღების მონაცემებზე დაყრდნობით", – აცხადებენ მერიაში.

ბავშვებთან ერთად წარმოდგენას მერიის კულტურის სამსახურის თანამშრომლებიც ესწრებოდნენ.

„პირველად ვიყავი ცირკში, არასოდეს მინახავს ცოცხლად კლოუნიები, აკრობატები. დღესაც მერიას, რომ არ მოეცა ჩემთვის ცირკის ბილეთი ვერ წამოვიდოდი. ძალიან მომეწონა“, - ამბობს 11 წლის გოგა აფიციაური.

კულტურისა და განათლების განყოფილების უფროსის მარინა მერაბიშვილის თქმით, ახალციხის მერიის თითოეული თანამშრომლისთვის სოციალური პასუხისმგებლობა და მსგავს აქციებში ჩართულობა განსაკუთრებით მნიშვნელოვანია: „ბავშვებისთვის ჩვენ სისტემატურად ვგეგმავთ და ვახორციელებთ სხვადასხვა პროექტს და აქტივობებს, ეს ხშირად თანამშრომლების პირადი დანაზოგის ხარჯზე ხდება“.

[sknews.ge]