ახალციხეში, მაღაზიაში მომხდარი ქურდობა გახსნილია

საქართველოს შინაგან საქმეთა სამინისტროს ინფორმაციით, საქმე დაახლოებით ნახევარი საათის წინ, 20:00 საათზე გაიხსნა. პასუხისგებაში ახალგაზრდა გოგონაა მიცემული. მოპარული თანხა, 4000 ლარამდე ოდენობით, გოგონას სახლიდან ამოიღეს.

შეგახსენებთ, 13 დეკემბერს, ახალციხეში, ცენტრალურ ქუჩაზე მდებარე ტანსაცმლის მაღაზიაში მეპატრონის ხელჩანთიდან მისი საფულე მოიპარეს, რომელშიც სხვადასხვა ნივთებთან ერთად, ბანკის ბარათები და 4000–მდე ლარი იდო.

მეპატრონის თქმით, იგი მეორე დღეს საქონლის შესაძენად აპირებდა წასვლას და თანხა ბანკიდან ამისთვის ჰქონდა გამოტანილი.

[ვარლამ წიკლაური, ახალციხე]