შეცდომით დახაზული ქვეითთა გადასასვლელი ნაცრისფერი საღებავით გადაღებეს

„ნაცრისფერი საღებავი გადაუსვით, ისეთი საღებავი, რომ ძველ ნახაზს დაფარავს . თუ გნებავთ იმასაც გეტყვით, რას შეიცავს ეს საღებავი. გამომძიებლები ხართ თუ ჟურნალისტები?“–ამბობს შპს „გზაჯვარედინის“ სამუშაოთა მწარმოებელი დავით ესიავა.

შეგახსენებთ, რომ შპს „გზაჯვარედინის“ ხელმძღვანელობა დაშვებულ შეცდომაზე პასუხისმგებლობას ახალციხის მერიას აკისრებდა და აცხადებდა, რომ საღებავს მანამდე არ წაშლიდა, ვიდრე გაწეული სამუშაოსთვის ახალი ხელშეკრულება არ გაფორმდებოდა.

"სამხრეთის კარიბჭემ" შეცდომით დახაზული ქვეითთა გადასასვლელის შესახებ ფოტო მიმდინარე წლის 22 ნოემბერს გამოაქვეყნა. გადასასვლელს ერთ მხარეს ტროტუარი, მეორე მხარეს კი გაზონი აქვს. ამ ეტაპზე გაზონიც მოძრაობის ამკრძალავი ლენტითაა შემოსაზღვრული.

შეცდომით დახაზული ქვეითთა გადასასვლელი კოსტავას ქუჩაზე, ფოტო გადაღებულია 22 ნოემბერს.

[ვარლამ წიკლაური, ახალციხე]