ფასიანი სტაჟირება სტუდენტებისთვის

G-PAC საქართველოში 2010 წელს დაარსდა და მას შემდეგ ათობით პროექტი განახორციელა. აღნიშნული ორგანიზაცია უნივერსიტეტის სტუდენტებს
სტაჟირებას უფინანსებს. შესაბამისად, სტუდენტების დაინტერესება საკმაოდ მაღალი იყო.

მსგავსი შეხვედრები მთელი საქართველოს მასშტაბით ტარდება და სტუდენტების გააქტიურებაზეა ორიენტირებული.

„ჩვენ ვეხმარებით სტუდენტებს სხვადასხვა უწყებებში გაიარონ სტაჟირება. სტაჟიორთა ნახევარზე მეტი უკვე დასაქმებულია. სამწუხაროდ, ეს სტაჟირება ჟურნალისტებსა და იურისტებზე არ ვრცელდება“, – ამბობს პროექტის კოორდინატორი მარიამ ვარდანაშვილი.

შეხვედრის დასასრულს, მარიამ ვარდანაშვილმა სტუდენტებს დასაქმებულთა
სიაც გააცნო. სტუდენტებმა G-PAC- თან თანამშრომლობის სურვილი გამოთქვეს.

[ნინო ზედგინიძე, ახალციხე]