თანასოფლელების ვერსიით გოგონამ თავი მძიმე დიაგნოზის გამო ჩამოიხრჩო

თანაკლასელების ნაამბობით, 16 წლის გოგონამ გარდაცვალებამდე ორ მეგობარს მოკლეტექსტური შეტყობინება გაუგზავნა. ამათგან ერთ–ერთი, რომლიც გარდაცვილთან ახლოს ცხოვრობდა მაიშინვე მის სახლში გაიქცა, თუმცა ცოცხალს ვეღარ მიუსწრო.

„ორი თვის წინ გაიგო, რომ ლეიკემია ქონდა და ძვირადღირებული მკურნალობა სჭირდებოდა. ბოლო პერიოდში სულ ჩუმად იყო და ხშირად არ საუბრობდა“,– ამბობენ 16 წლის ე.ა–ს მეგობრები.

გარდაცვლილის ორივე თანაკლასელი, ამ დრომდე პოლიციაში დაკითხვაზე იმყოფება.

მეზობლების ინფორმაციით, უბედური შემთხვევის დროს ოჯახის წევრები სახლში არ იყვნენ:“ძმა და დედა ტაძარში იყვნენ. ეს ავადმყოფობა ვინ და რა სიტუაციაში უთხრა არ ვიცით, შეიძლება თავი ამიტომ მოიკლა, შოკში ვართ უმამოდ გაზრდილი ბავშვია. ხშირად ამბობდა რომ წამლები ძვირი ღირს და ოჯახს ტვირთად ვაწევარო“.

შეგახსენებთ, რომ უბედური შემთხვევა დღეს, 8 ნოემბერს, დაახლოებით 14:00 საათისთვის მოხდა. გარდაცვლილი სახლში უკვე გადაასვენეს.

შსს-მ გამოძიება სისხლის სამართლის კოდექსის 115-ე მუხლით დაიწყო, რაც თვითმკვლელობამდე მიყვანას გულისხმობს.

[ვარლამ წიკლაური, თინათინ ზაზაძე, ადიგენი]