ასპინძასა და ახალციხეში 'ნაციონალების' ოფისების შეღებვაზე შსს–მ მოკვლევა დაიწყო

„ორივე საქმესთან დაკავშირებით დაიწყო ადმინისტრაციული საქმის წარმოება“, – განმარტავენ შსს-ს საზოგადოებასთან ურთერთობის სამსახურში.

მათი თქმით, მოკვლევის დასრულებამდე სხვა დეტალებზე კომენტარს ვერ გააკეთებენ.

შეგახსენებთ, დღეს, 22 ოქტომბერს, დილით, პარტიის ოფისში მისულ „ნაციონალური მოძრაობის" წევრებს შესასვლელი კარი წითელი საღებავით შეღებილი დახვდათ. ოფისზე მიწერილია წარწერა: „ქათმებო. მკვლელებო“. დღეს ოფისი წითელი საღებავით შეღებილი დახვდათ ასპინძაშიც.

[თინათინ ზაზაძე, ახალციხე]