ახალციხეში C ჰეპატიტზე უფასო გამოკვლები იწყება

ლაბორატორია, სადაც სკრინინგი ჩატარდება

სკრინინგი დაავადებათა კონტროლისა და საზოგადოებრივი ჯანმრთელობის ეროვნული ცენტრის რეგიონულ ლაბორატორიაში ჩატარდება. ლაბორატორია ახალციხე–ახალქალაქის გზატკეცილზე მდებარეობს. მისი ტელეფონია: 0365 22 51 04

სკრინინგისთვის წინასწარ ჩაწერა საჭირო არ არის. ლაბორატორია მოქალაქეებს ყოველ დღე, დილის 10:00 საათიდან საღამოს 17:00 საათამდე მიიღებს. უფასო სკრინინგის ჩატარება ნებისმიერ მოქალაქეს შეუძლია.

„მილიონობით ადამიანი ცხოვრობს ჰეპატიტის ვირუსით, მილიონობით ადამიანი კი დაინფიცირების რისკის ქვეშაა. ადამიანთა უმრავლესობამ არ იცის, რომ ისინი B და C ქრონიკული ჰეპატიტის ვირუსის მტარებლები არიან. დაავადებას სიმპტომები არ ახლავს“, – ამბობენ მედიკოსები და მოქალაქეებს სკრინინგის ჩატარებისკენ მოუწოდებენ.

საქართველოს ნებისმიერი მოქალაქე, რომელსაც დაუდგინდება C ჰეპატიტი,უფასოდ მიიღებს ახალი გენერაციის ანტივირუსულ პრეპარატს.

გარდა ამისა, ჯანდაცვის სამინისტროს ინფორმაციით, კლინიკების ხელმძღვანელებს ეთხოვათ 28-29 ივლისს შესულ ყველა პაციენტს ნებაყოფლობით შესთავაზონ სკრინინგი C ჰეპატიტზე.

[sknews.ge]