ახალციხელები ბავშვთა უფლებებზე საუბრობენ [Video]

დღეს, 1ივნისს ბავშვთა დაცვის საერთაშორისო დღეა. ამ დღეს საფუძველი ჯერ კიდევ 1925 წელს, „ბავშვთა კეთილდღეობის შესახებ“ ჟენევის მსოფლიო კონფერენციაზე ჩაეყარა, ხოლო 1950 წლიდან ეს დღე მსოფლიო მასშტაბით აღინიშნება.

გაერთიანებული ერების ორგანიზაციის ბავშვის უფლებათა კონვენციითა და გაეროს წესდებით გამოცხადებული პრინციპების შესაბამისად, ბავშვთა ღირსების, მათი თანასწორი და განუყოფელი უფლებების აღიარება და დაცვა ქვეყანაში დემოკრატიის, თავისუფლების, სამართლიანობისა და მშვიდობის უზრუნველყოფის საფუძველია.

არის თუ არა ბავშვთა უფლებები დაცული საქართველოში, ამ კითხვით "სამხრეთის კარიბჭემ" ადგილობრივებს მიმართა. გამოკითხულთა ნაწილი ფიქრობს, რომ საქართველოში ბავშვთა უფლებები ნაწილობრივ არის დაცული, ნაწილი კი მათ არ ეთანხმება.

[მანანა სარაშვილი, ოთარ აწყურელი, ახალციხე]