პირველი ივნისი ახალციხეში [Photo]

ქალაქ ახალციხის მერიისა და არასამთავრობო ორგანიზაცია "World Vizion"- ის ორგანიზებით, ახალციხის ცენტრალურ პარკში სხვადასხვა ღონისძიებები გაიმართა. ახალციხის მუნიციპალიტეტის საჯარო სკოლების მოსწავლეების მონაწილეობით კონცერტი ჩატარდა. გარდა ამისა, სამხატვრო სკოლის მოსწავლეები პატარებს სახეზე ახატავდნენ. მისალოც ბანერთან კი ბავშვები კლოუნებთან ერთად სურათებს იღებდნენ. პატარები ერთმანეთს კალათბურთშიც შეეჯიბრნენ.

კონცერტის დასასრულს ახალციხის მერმა გიორგი კოპაძემ ბავშვებს 1 ივნისი მიულოცა. შემდეგ კი პატარებს ნაყინი დაურიგეს.

ახალციხის მერიის კულტურის განყოფილების უფროსის მარინა მერაბიშვილის თქმით, მერიამ 1 ივნისისთვი 1 400 ნაყინი შეიძინა. აქედან 1 034 ქალაქის საბავშვო ბაღების აღსაზრდელებს დაურიგეს. დანარჩენი კი ახალციხის ცენტრალურ პარკში შეკრებილ პატარებს გადასცეს. ბავშვებს "World Vizion"– ის ბუშტებიც დაურიგეს.

ქალაქ ახალციხის მერიაში განმარტავენ, რომ ღონისძიების შემდეგ ახალციხის ცენტრალურ პარკს შპს "კეთილმოწყობის" თანამშრომლები დაასუფთავებენ.
































[თამარ თოთაძე, ახალციხე]