წინუბანში მოქალაქემ გამგეობას გარე განათების სისტემა უსასყიდლოდ გადასცა

სოფელ წინუბანში მცხოვრებმა მკრტიჩ კარაპეტიანმა გარე განათება სოფელში საკუთარი სახსრებით 2013 წელს გააკეთა. მან სისტემის შენახვა, ასევე საკუთარი სახსრებით, ვეღარ შეძლო და ამიტომ მოვლა– შენახვისათვის ის გამგეობას გადასცა.

„ეს მისი სურვილი იყო და ამ მიზნით წერილობით მოგვმართა“, – ამბობს ახალციხის მუნიციპალიტეტის გამგეობის ეკონომიკის განვითარებისა და ქონების მართვის სამსახურის უფროსი ნოდარ ტალახაძე.

მისი თქმით, ყოველთვიურად წინუბანში გარე განათებისთვის საჭირო 40–45 ლარია.

[თამუნა უჩიძე, ახალციხე]