ახალციხესა და ბორჯომში შსს–მ უკანონო ხე–ტყე ამოიღო

სამართალდამცველებმა ემზარ ხ. ბორჯომის რაიონის სოფელ ყვიბისთან, ტყეში, ხოლო გერვასი კ. ახალციხის რაიონის სოფელ ანში ხე-ბუჩქნარის უკანონოდ გაჩეხვის ფაქტზე იმ დროს ამხილეს, როდესაც მათ უკანონოდ მოჭრილი ნაძვის 14 ცალი 3 მეტრის სიგრძის, 2 ცალი 17 მეტრის სიგრძის და 19 ცალი 5 მეტრის სიგრძის სამასალე მერქანი სატვირთო ავტომანქანებით გადაჰქონდათ.

პოლიციამ უკანონოდ მოჭრილი ხე-ტყე ამოიღო. დადგინდა, რომ გარემოზე მიყენებული ზარალის ოდენობა 1875 ლარს შეადგენს.

გამოძიება ხე-ბუჩქნარის უკანონოდ გაჩეხვის ფაქტზე მიმდინარეობს (საქართველოს სსკ-ს 303-ე მუხლის 1-ლი ნაწილით).

[sknews.ge]