კათოლიკეები შობას აღნიშნავენ

კათოლიკურ ტაძრებში საშობაო ლიტურგია გუშინ, 24 დეკემბერს, ღამის 23:30 საათზე დაიწყო და დაახლოებით 2 საათს გაგრძელდა.

კათოლიკე მრევლს ქრისტეშობის დღესასწაული მიულოცა საქართვლოს პრემიერ მინისტრმა ირაკლი ღარიბაშვილმა.

"დღეს ქრისტიანთა უდიდესი ნაწილი მაცხოვრის შობის დღესასწაულს აღნიშნავს. ვულოცავ ამ დღეს ყველა ჩვენს თანამოქალაქეს, ვისთვისაც 25 დეკემბერი შობის დიდი დღესასწაულია. ყოველი შობა უკეთესი მომავლის იმედი და რწმენაა.ვუსურვებ ყველას, არ მოჰკლებოდეთ სიკეთე, სიყვარული, მშვიდობა და კეთილდღეობა",- ნათქვამია პრემიერ მინისტრის მიერ გამოქვეყნებულ მილოცვის ტექსტში.

[ნინო ნარიმანიშვილი, ახალციხე]