25 დეკემბერს კათოლიკები მაცხოვრის შობის დღესასწაულს ზეიმობენ

კათოლიკე მრევლი შობის დღესასწაულისთვის 4 კვირის განმავლობაში ემზადება. ამ პერიოდს კათოლიკეები ადვენტს უწოდებენ, რაც სასიხარულო მოლოდინისთვის მზადებას ნიშნავს.

ადვენტი ანუ შობისათვის მოსამზადებელი პერიოდი კათოლიკე ეკლესიაში შობამდე ოთხი კვირით ადრე იწყება. ამ ხნის განმავლობაში მორწმუნეები მაცხოვრის დაბადებისათვის სულიერად ემზადებიან, რაც უმეტესად აღსარების საიდუმლოსა და მარხვას გულისხმობს. ადვენტის ჟამი კათოლიკეებს მოუწოდებს – "იფხიზლე!“. შესამისად, მორწმუნეებისათვის ყოველდღიური წირვა გამთენიისას, დილის 7:00 საათზე აღესრულება.

ყველაზე მასშტაბურად კათოლიკური შობა ბეთლემში აღინიშნება, სადაც გადმოცემის თანახმად ქრისტე იშვა. ტრადიციულად, ზეიმის ცენტრად შობის სახელობის ეკლესია იქცევა. მორწმუნე კათოლიკეების წინაშე იერუსალიმის პატრიარქი წარსდგება.

კათოლიკური შობა მასშტაბურად აღინიშნება ვატიკანშიც, წმინდა პეტრეს ტაძარში, სადაც საშობაო მესას რომის პაპი ატარებს.

კათოლიკური შობა 2016 წელი



[sknews.ge]