ახალციხის მერიაში საჯარო მოხელეთა შესარჩევი კონკურსის მესამე ეტაპი სრულდება

მერიაში კონკურსანტებთან გასაუბრება გრძელდება. დღეს გასაუბრებას ის კონკურსანტები გადიან, ვისაც განაცხადი შეტანილი აქვს: აუდიტის სამსახურში, წვევამდელი გაწვევის სამსახურში, კულტურის, განათლების, სპორტის, ძეგლთა დაცვის, ახალგაზრდულ საქმეთა და ტურიზმის განვითარების სამსახურში.

დღეს საკონკურსო – საატესტაციო კომისია 38 კონკურსანტს გაესაუბრება.

შეგახსენებთ, რომ ქალაქ ახალციხის მერიაში საჯარო მოხელეთა შესარჩევი კონკურსის მესამე ეტაპი რვა დეკემბერს დაიწყო. გასაუბრება იმ კონკურსანტებმა გაიარეს, ვისაც დასაქმება ადმინისტრაციაში სურს. გასაუბრებაზე 51–დან 48 კონკურსანტი გამოცხადდა.

გუშინ, ცხრა დეკემბერს კი კომისია ეკონომიკისა და ქონების მართვის, საფინანსო და საბიუჯეტო სამსახურისა და შესყიდვების განყოფილებაში დასაქმების მსურველებს გაესაუბრა. გასაუბრებაზე 27 კონკურსანტიდან ოთხი არ გამოცხადდა.

[მანანა სარაშვილი, ახალციხე]