ახალციხის ციხეში სახალხო სეირნობა დაიწყო

ახალციხის ციხის ტერიტორიაზე იმყოფებიან თვითმმართველობების წარმომადგენლები სამცხე-ჯავახეთის ექვსივე მუნიციპალიტეტიდან. ასევე, ახალციხის მაჟორიტარი დეპუტატი თამაზ პეტრიაშვილი და მმართველი გუნდის მაჟორიტარი დეპუტატობის კანდიდატები ასევე რეგიონის ექვსივე მუნიციპალიტეტიდან.

გარდა ამისა, ახალციხის ციხეს სტუმრობს საქართველოს ყველა ნაციონალური მედია-საშუალება.

- ”მეგობარი მყავს ახალციხეში, პირველად შარშან ზამთარში ვიყავი, მაშინ გადათხრილი იყო აქაურობა. მთელი ზაფხულის განმავლობაში მოუთმენლად ველოდი როდის გაიხსნებოდა. ამიტომ, ახლა ამ დღისთვის თბილისიდან სპეციალურად ჩამოვედი”, - გვითხრა თბილისელმა გვანცა ლაზარაშვილმა.

გასხნაზე დასასწრებად ასპინძიდან სპეციალურად ჩამოვიდა ჯიმშერ მჭედლიშვილიც.

- ”დიდი შრომაა ჩადებული იმ ყველაფერში, რასაც აქ ვხედავთ. სპეციალურად ჩმოვედი ასპინძიდან გახსნის ცერემონიალზე დასასწრებად. ამ ყველაფერს ნებისმიერ სტუმარს დიდი სიამოვნებით ვუჩვენებ”, - ამბობს იგი.


[sknews.ge]