"ხმა მიეცი შენს კეთილდღეობას!" [Video]

მთავარი → SK TV » ვიდეო 13.06.2014

16 საინფორმაციო შეხვედრა და 40 ტერიტორიულ ორგანოში გადამზადებული 900 ამომრჩეველი – "საზოგადოებრივ ინიციატივათა ჯგუფის" პროექტი "ხმა მიეცი შენს კეთილდღეობას!" წარმატებით დასრულდა.

2 თვის განმავლობაში ორგანიზაციის მიერ გადამზადებული 4 ტრენერი რეგიონის არაქართულენოვან სოფლებში ამომრჩევლებისთვის საინფორმაციო შეხვედრებს მართავდა. სომხურ ენაზე მოსაუბრე პროფესიონალი ექსპერტ-ფასილიტატორები ეთნიკურად სომეხ ამომრჩევლებს ახალ, საარჩევნო კანონმდებლობას, საარჩევნო პროცედურებს, ამომრჩეველთა უფლებებსა და სამოქალაქო მოვალეობებს აცნობდნენ.

პროექტი აშშ-ის საერთაშორისო განვითარების სააგენტოს ((USAID ) და საარჩევნო სისტემების საერთაშორისო ფონდის (IFES) მხარდაჭერით არასამთავრობო ორგანიზაცია “საზოგადოებრივ ინიციატივათა ჯგუფმა” განახორციელა. პროექტი 15 ივნისის ადგილობრივი თვითმმართველობის არჩევნების შესახებ საქართველოში მცხოვრები ეროვნული უმცირესობების - ეთნიკური აზერბაიჯანლების და ეთნიკური სომხების ინფორმირებულობას ისახავდა მიზნად.
პროექტი საქართველოს ორ რეგიონში - სამცხე-ჯავახეთსა და ქვემო ქართლში განხორციელდ ა.

[sknews.ge]