ბაღებსა და სკოლებში მე–6 კლასის ჩათვლით, სასწავლო პროცესი კვირის ბოლომდე არ აღდგება

საქართველოს ჯანდაცვის მინისტრის დავით სერგეენკოს განცხადებით, თბილისში ვირუსული მენინგიტის შემთხვევები უკვე კლებისკენ წავიდა.

„რაიონში ამას გარკვეული ინტერვალი ექნება. ვვარაუდობ, რომ ერთი კვირის შემდეგ კლება რაიონშიც მიყვება. პოზიტიური დინამიკა უკვე გამოკვეთილია. ყოველდღიური მონაცემები 18:00 საათზე გვექნება. ამ დროისთვის გამოკვეთილი მონაცემებით, რახან თბილისში დინამიკა პოზიტიურია, მაგრამ ეს ჯერ ასე არ არის რაიონებში, ჩვენ რეკომენდაციას ვაძლევთ, რომ იგივე შეზღუდვები საწყის კლასებში [მე–6 კლასის ჩათვლით] და საბავშვო ბაღებში კიდევ ოთხი დღე გაგრძელდეს", – განაცხადა სერგეენკომ.

შეგახსენებთ, რომ ვირუსული მენინგიტის გავრცელების გამო სკოლებსა და ბაგა–ბაღებში სასწავლო პროცესი 21 მაისიდანაა შეწყვეტილი.

[თინათინ ზაზაძე, ახალციხე]