თვითმმართველობის არჩევნები 15 ივნისს დაინიშნა

ამის შესახებ საქართველოს პრეზიდენტმა დღეს, 21 თებერვალს, პარლამენტში სიტყვით გამოსვლის დროს განაცხადა.

შესაბამის განკარგულებას პრეზიდენტი ხელს მას შემდეგ მოაწერს, რაც პარლამენტი საარჩევნო კანონმდებლობაში დაგეგმილ ცვლილებებს დაამტკიცებს.

გამოსვლისას გიორგი მარგველაშვილმა თვითმმართველობის კოდექსზეც ისაუბრა.მან განაცხადა, რომ თვითმმართველობის რეფორმა კოდექსის მიღებით მხოლოდ იწყება და ძალიან მნნიშვნელოვანია, რომ 2014 წელს კოდექსი რეალურად ამუშავდეს.

"მივესალმები იმას, რომ მერები და გამგებლები პირდაპირი წესით იქნებიან არჩეული", - განაცხადა პრეზიდენტმა და იმედი გამოთქვა, რომ 2014 წლის არჩევნები თვისობრივად იქნება უკეთესი და არა უარესი 2013 წლის საპრეზიდენტო არჩევნებზე.

"გამომდინარე იქიდან, რომ პოლიტიკურმა ძალებმა, სადამკვირვებლო მისიებმა, საზოგადოებამ უცბად არ გაიგოს არჩევნების შესახებ და დაიწყოს არჩევნებისთვის დროული მზადება, მინდა მოგახსენოთ - არჩევნები დაინიშნება მიმდინარე წლის 15 ივნისს. შესაბამისს განკარგულებას მოვაწერ ხელს მას შემდეგ, რაც პარლამეტი საარჩევნო კოდექსს მიიღებს" , - განაცხადა მარგველაშვილმა.

[sknews.ge]