პრეზიდენტი არჩევნებთან დაკავშირებით ახალ განკარგულებას მაისის დასაწყისში გამოსცემს

„არჩევნების თარიღი დადგენილია - ეს არის 8 ოქტომბერი და არჩევნების თარიღის დადგენა კარგია პროგნოზირებადი საარჩევნო გარემოსთვის. რაც შეეხება იმ დოკუმენტს, რომელიც მთავრობასთან სიტყვა-სიტყვით იყო შეთანხმებული და რომელსაც დღეს ხელი არ მოეწერა - მინდა მოგახსენოთ, რომ დოკუმენტი გამოვეცი იმდენად, რამდენადაც დამარწმუნა მთავრობამ, რომ 60 დღეზე ადრე არჩევნების დანიშვნა ფინანსურად დამანგრეველი იქნებოდა. აღმოჩნდა, რომ ეს ასე არ არის და თურმე შეიძლება უფრო ადრეც დაინიშნოს. შესაბამისად, მაისის დასაწყისში მე გამოვცემ აქტს, სადაც იქნება ერთი წინადადება არჩევნების დანიშვნის თაობაზე. ეს იქნება დადებითი, რადგან 5 თვით ადრე დავიწყებთ საარჩევნო კამპანიას, ეს იქნება დადებითი საარჩევნო გარემოსთვისაც, ხოლო თუ კიდევ რაიმე კითხვა იქნება ფინანსური, მე მზად ვარ შევეხიდო მთავრობას არჩევნების ადმინისტრირების დაფინანსების ნაწილში ჩემი ფონდიდან“, - განაცხადა პრეზიდენტმა.

შეგახსნებთ, არჩევნების თარიღთან დაკავშირებული განკარგულება, რომელიც პრეზიდენტმა პრემიერ-მინისტრს კონტრასიგნაციისთვის გადაუგზავნა, დღეს პრემიერმა უკან დაუბრუნა. პრემიერის განცხადებით, ვინაიდან წინასაარჩევნო პერიოდად აღებული უნდა იყოს 3 თვე, უმჯობესი იქნება, თუკი პრეზიდენტი არჩევნებთან დაკავშირებულ განკარგულებას 8 ივლისს გამოაქვეყნებს.

[sknews.ge]