თისელის წმინდა გიორგის სახელობის ეკლესიას რესტავრაცია ჩაუტარდება

ამის შესახებ ინფორმაცია „სამხრეთის კარიბჭეს“ აწყურის ტერიტორიული ორგანოს რწმუნებულმა შუქრი გოგოლაძემ მიაწოდა. მისი თქმით, გასულ წელს აღნიშნულ ტერიტორიაზე გაწმენდითი სამუშაოები ჩატარდა.

„2013 წელს გაწმენდითი სამუშაოები შესრულდა, როგორც ვიცი მაკეტი უკვე შედგენილია და პროექტი დასრულების პროცესშია. სავარაუდოდ გაზაფხულის ბოლოს, ზაფხულის დასაწყისში დაიწყება რესტავრაცია“, - ამბობს შუქრი გოგოლაძე და ამატებს, რომ 91-კომლიან სოფელში ამ ეტაპზე მოქმედი ეკლესია არ არის. მისივე თქმით, წმინდა გიორგის სახელობის ეკლესია რესტავრაციის შემდეგ პირვანდელ სახეს დაიბრუნებს და მოქმედი გახდება.

[თამარ თოთაძე, ახალციხე]