ახალქალაქი–ნინოწმინდის მაჟორიტარული ოლქი - მონაცემები მოკლედ

ახალქალაქი-ნინოწმინდის ოლქში მთლიანობაში 57 886 ამომრჩეველია. ეს არის N18-ე მაჟორიტარული ოლქი, სადაც შედის N40 ახალქალაქისა და N42 ნინოწმინდის ოლქები.

ახალქალაქში სულ 70 საარჩევნო უბანია, ნინოწმინდაში კი, 37.

მაჟორიტარულ ოლქში სულ 9 მაჟორიტარობის კანდიდატია, მათგან ერთი დამოუკიდებელი, დანარჩენი კი პოლიტიკური პარტიების მიერ წარდგენილი. ცხრა კანდიდატიდან ორი ქალია, დანარჩენი კი კაცი.

მაჟორიტარულ ოლქში რეგისტრირებული კანდიდატები არიან:

N2 „ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის“ არსენ კარაპეტიან
N 5 საარჩევნო ბლოკი „ერთიანი ნაციონალური მოძრაობა-გაერთიანებული ოპოზიცია „ძალა ერთობაშია” მელიქ რაისიან
N 8 „დავით თარხან-მოურავი, ირმა ინაშვილი - საქართველოს პატრიოტთა ალიანსი” არტაშეს ჰაკობიან
N 14 „ბეჟან გუნავა - ქართული არჩევანი“ დიანა არუთუნიან
N 20 „საქართველო“ მიხეილი შიოშვილი
N 21 „თავისუფალი საქართველო (კახა კუკავა, გიორგი წულაია)“ ამირან ჭაღალიძე
N 30 „შეცვალე საქართველო” ელზა გრიგორიანი
N 41 ქართული ოცნება - დემოკრატიული საქართველო სამველ მანუკიან
N 61 საინიციატივო ჯგუფი - ევგენია კარაპეტიან, შორენა თეთვაძე, არაგეღეციკ სანოსიან, არმინე მინასიან, როზა ასლანიან - ენზელ მკოიანი

31 ოქტომბერს არჩევნებზე მისულმა ამომრჩეველმა ხმა უნდა მისცეს, როგორც მაჟორიტარობის კანდიდატს, ასევე პარტიას. ამისათვის მას საარჩევნო უბანზე ორი ბიულეტები დახვდება. ერთზე მაჟორიტარობის კანდიდატი უნდა შემოხაზოს, მეორეზე სასურველი პარტია.

საბოლოოდ, 31 ოქტომბერს საქართველოს პარლამენტი დაკომპლექტდება 120 პროპორციული სიით შესული დეპუტატითა და 30 მაჟორიტარით.

[თაკო ფეიქრიშვილი]