ახალციხე-ადიგენი-ასპინძა-ბორჯომის ოლქი - მონაცემები მოკლედ

31 ოქტომბერის საპარლამენტო არჩევნებისთვის სამცხე-ჯავახეთში ორი მაჟორიტარული ოლქი იქნება. მათგან ერთია ახალციხე-ადიგენი-ასპინძა-ბორჯომის. აქ ამომრჩეველთა საერთო რაოდენობა 86 215–ია.

ეს მაჟორიტარული ოლქი N17-ეა და იგი ოთხ: ახალციხის, ადიგენის, ასპინძისა და ბორჯომის მუნიციპალიტეტებს მოიცავს.

N17 მაჟორიტარულ ოლქში სულ 106 საარჩევნო უბანი იქნება.(24 ოქტომბრის მდგომარეობით) მათგან:

ახალციხეში - 35
ადიგენში - 18
ასპინძაში - 23
ბორჯომში - 30

ოლქში რეგისტრირებულია 14 მაჟორიტარი დეპუტატობის კანდიდატი, ყველა მათგანი პარტიის მიერ დასახელებულია. არცერთია დამოუკიდებელი, საინიციატივო ჯგუფის მიერ წარდგენილი.

14 კანდიდატიდან სამი ქალია და 11 კაცი. მათგან:

N2 „ბაქრაძე, უგულავა, ბოკერია - ევროპული საქართველო - მოძრაობა თავისუფლებისთვის“ - ზურაბი ჩილინგარაშვილი;
N 4 „დავით ჭიჭინაძე ტრიბუნა - ქდმ” გელა კვარაცხელია
N 5 საარჩევნო ბლოკი „ერთიანი ნაციონალური მოძრაობაგაერთიანებული ოპოზიცია „ძალა ერთობაშია” ვაჟა ჩიტაშვილი
N 8 „დავით თარხან-მოურავი, ირმა ინაშვილი - საქართველოს პატრიოტთა ალიანსი” დავით გოგიჩაიშვილი
N 10 „შალვა ნათელაშვილი-საქართველოს ლეიბორისტული პარტია“ გიორგი ჩიტაური
N 14 „ბეჟან გუნავა - ქართული არჩევანი“ მარიზა ჯიქია
N 19 მოქალაქეთა პოლიტიკური გაერთიანება „ჩვენი საქართველო - სოლიდარობის ალიანსი“ ბესარიონ ფოფხაძე
N 20 „საქართველო“ რამაზი გელაშვილი
N 21 „თავისუფალი საქართველო (კახა კუკავა, გიორგი წულაია)“ გოდერძი კუბლაშვილი
N 30 „შეცვალე საქართველო” მარიამი ჭრელაშვილი
N 31 თავისუფლება-ზვიად გამსახურდიას გზა ზურაბ ხუციშვილი
N 41 ქართული ოცნება - დემოკრატიული საქართველო ანტონ ობოლაშვილი
N 55 „ქართული მარში-ეროვნული მოძრაობა“ ოლეგი სანდროშვილი
N 56 „ლელო - მამუკა ხაზარაძე“ იზოლდა ლომიძე

31 ოქტომბერს არჩევნებზე მისულმა ამომრჩეველმა ხმა უნდა მისცეს, როგორც მაჟორიტარობის კანდიდატს, ასევე პარტიას. ამისათვის მას საარჩევნო უბანზე ორი ბიულეტები დახვდება. ერთზე მაჟორიტარობის კანდიდატი უნდა შემოხაზოს, მეორეზე სასურველი პარტია.

საბოლოოდ, 31 ოქტომბერს საქართველოს პარლამენტი დაკომპლექტდება 120 პროპორციული სიით შესული დეპუტატითა და 30 მაჟორიტარით.

[თაკო ფეიქრიშვილი]