რამდენმა სკოლამ ვერ დააკმაყოფილა მოთხოვნები სამცხე-ჯავახეთში – COVID-19

შრომის ინსპექტირების დეპარტამენტმა რეგიონში არსებული 206 სკოლიდან 37 შეამოწმა, აქედან დადებითი შეფასება 12–მა მათგანმა მიიღო, ხუთმა ვერ დააკმაყოფილა მოთხოვნები, 20–მა სკოლამ კი განაცხადა, რომ ამ ეტაპზე შემოწმებისთვის მზად არ არის.

სკოლებმა ჯანდაცვის სამინისტროს რეკომენდაციების შესრულება 14 სექტემბრამდე უნდა შეძლონ.

დღეს, 11 სექტემბერს საქართველოში კორონავირუსის 87 შემხთვევა დაფიქსირდა. ინფიცირების შემთხვევათა რაოდენობა 1 917–მდე გაიზარდა.

დაავადებათა კონტროლის ეროვნული ცენტრის ხელმძღვანელი, ამირან გამყრელიძე მშობლებს მოუწოდებს, იმ შემთხვევაში თუ მათ შვილებს ტემპერატურა დაუფიქსირდებათ, სკოლაში არ გაუშვან.

შემთხვევათა მატების გამო, მთავრობის გადაწყვეტილებით საქართველოს 6 დიდ ქალაქში სასწავლო პროცესი ორი კვირის დაგვიანებით დაიწყება.

ასევე ნახეთ, რა რეკომენდაციების შესრულება მოუწევთ სკოლებს

[sknews.ge]