სკოლებში ჟურნალები გაუქმდება, იქნება მხოლოდ ელექტრონული წარმოება – მინისტრის ბრძანება

ბრძანების მიხედვით, ელექტრონული ჟურნალი მასწავლებლებმა განათლების მართვის საინფორმაციო სისტემის (EMIS.ge) ელექტრონულ პლატფორმაზე უნდა აწარმოონ.

„იმ შემთხვევაში, თუ საჯარო ან კერძო სკოლის ყველა მასწავლებელს არ აქვს შესაბამისი პირობები (კომპიუტერული მოწყობილობა/ინტერნეტი), სკოლა ყოველდღიურად აგრძელებს ჟურნალის წარმოებას და ყოველი კვირის ბოლოს მასწავლებლები შეიტანენ დასწრებისა და შეფასებების შესახებ ინფორმაციას ელექტრონული ჟურნალის პლატფორმაზე, რისთვისაც უნდა გამოიყენონ საჯარო/კერძო სკოლის რესურსი (კომპიუტერული მოწყობილობა/ინტერნეტი)“ – ვკითხულობთ ბრძანებაში.

2021-2022 წლიდან ჟურნალები გაუქმდება და მოსწავლეებს აღრიცხავენ მხოლოდ ელექტრონული ფორმით. 2020-2021 სასწავლო წელს კი „ჟურნალსა და ელექტრონულ ჟურნალში არსებული მონაცემების შეუსაბამობის შემთხვევაში, უპირატესობა ენიჭება ჟურნალში არსებულ ინფორმაციას“.

ბოლო ინფორმაციით, სკოლებში სწავლა 15 სექტემბერს დაიწყება, კორონავირუსის პრევენციის მიზნით, მოუწევთ სავალდებულო რეკომენდაციების შესრულება.





[რობი ზარიძე]