ახალციხის რეფერალური ჰოსპიტალი მოქალაქეებს უფასო კონსულტაციებს სთავაზობს

ახალციხის რეფერალური ჰოსპიტალის ხელმძღვანელი, რეზო კუჭუხიძე ამბობს, რომ აქციის ჩატარების მიზიანი მოსახლეობაში დაავდებების ადრეულ სტადიაში გამოვლენა და მკურნალობაა.

„ბოლო პერიოდში მოსახლეობის მომართვიანობამ იკლო ფინანსური პრობლემების გამო, ასევე პანდემიის დროს ვერ ახერხებდნენ მოსვლას, ამიტომ ახლა ვთავაზობთ სხვადასხვა ტიპის ფასდაკლებებს და აქციებს“, – ამბობს რევაზ კუჭუხიძე.

მისი თქმით, პაციენტებს უფასოდ ვიწრო პროფილის ექიმები ყოველ ოთხშაბათს გასინჯავენ. გარკვეულ სპეციალისტებთან კი 50 %–იანი ფასდაკლება მოქმედებს.

„ყველას, ვინც მოგვმართავს არ აქვს მნიშვნელობა დაზღვეულია, თუ არა ჩვენს კლინიკაში, უფასოდ გასინჯავს თერაპევტი, ნევროლოგი, ოფთალმოლოგი, ქირურგი, გინეკოლოგი და. ა. შ. 50 %–იანი ფასდაკლება მოქმედებს დიაგნოსტიკურ კვლევებზე. 30 %–იანი ფასდაკლებაა კომპიუტერულ ტომოგრაფიაზე, რენდგენოგრაფიასა და ულტრასონოგრაფიაზე“, – ამბობს რეზო კუჭუხიძე.

პაციენტებს, ვისაც სურთ უფასო კონსულტაციის მიღება უნდა მიმართონ კლინიკას, ან დარეკონ ცხელ ხაზზე: 2 600 600. აღნიშნული აქცია გაგრძელდება 2020 წლის ბოლომდე.

უფასო კონსულტაციების შესახებ ინფორმაცია ასევე შეგიძლიათ ნახოთ ახალციხის რეფერალური ჰოსპიტალის ვებ–გვერდზე.

[ნუკა სტეფნაძე]