აგვისტოში სამცხე-ჯავახეთში შიდსით კიდევ ერთი პირი დაინფიცირდა

2020 წლის ორი სექტემბრის მონაცემებით, ქვეყნის მასშტაბით აივ-ინფექციის სულ 372 ახალი შემთხვევა გამოვლინდა.

ინფექციური პათოლოგიისა და შიდსის ცენტრში რეგისტრირებულია 8 474 აივ ინფიცირებული პირი. მათ შორის, 6 326 კაცი და 2 148 ქალი. პაციენტთა უმრავლესობა 29-დან 39 წლამდეა.

„ორი სექტემბრის მონაცემებით აივ მკურნალობას იტარებს 5 220 პაციენტი, მათ შორის 46 ბავშვია“, - აცხადებენ ცენტრში.

რეგისტრირებული შემთხვევები, გადაცემის გზების მიხედვით ასე ნაწილდება:

49.0 % დაინფიცირდა ჰეტეროსექსუალური კონტაქტის შედეგად;
36.6 % ნარკოტიკების ინექციური მომხმარებელია;
12.0% ჰომო/ბი სექსუალური კონტაქტით;
1.3 % დაინფიცირდა ვერტიკალური გადაცემის გზით;
0.5 % სისხლის რეციპიენტია;
0.6 % გადაცემის გზა დაუდგენელია.



აივ ინფიცირების ყველაზე მეტი შემთხვევა რეგისტრირებულია თბილისში 3 148 შემთხვევა, სამეგრელოში - 1 165; იმერეთში - 1 017; აჭარაში - 970; აფხაზეთში - 528; კახეთში - 419, ქვემო ქართლში - 485; შიდა ქართლში - 314; გურიაში - 180; სამცხე-ჯავახეთში - 113 და ა.შ.



ინფექციური პათოლოგიისა და შიდსის ცენტრის ინფორმაციით, 1989 წლიდან 2020 წლის 1–ელი ივლისის მონაცემებით, სამცხე–ჯავახეთში აივ ინფიცირების 112 შემთხვევაა იყო გამოვლენილი. 2015 წლამდე რეგიონში ინფიცირებული იყო 60 ადგილობრივი.

[ნუკა სტეფნაძე]