'200 ლარიან დახმარებაზე დარეგისტრირებულ პირებს თანხა ერთი კვირის განმავლობაში ჩაერიცხებათ' – გახარია

გიორგი გახარიას განცხადებით თანხის ჩარიცხვა დღეიდან დაიწყება, ამის შესახებ მან საკოორდინაციო საბჭოს შეხვედრაზე ისაუბრა.

„შესაბამის უწყებებს, ჯანდაცვის სამინისტროსა და ფინანსთა სამინისტროს დაევალათ ერთ კვირაში სრულად დასრულდეს მოქალაქეების ანგარიშებზე სოციალური განაცემების გადარიცხვა. ეს დახმარება ჩვენმა მოქალაქეებმა უნდა მიიღონ სასწავლო წლის დაწყებამდე. მოგეხსენებათ, რეგისტრაცია გაგრძელდება პირველ დეკემბრამდე და ახალი განაცხადებიც, რომლებიც ეტაპობრივად შემოვა პირველ დეკემბრამდე, რა თქმა უნდა, იქნება უახლოეს პერიოდში დაკმაყოფილებული, რაც ნიშნავს იმას, რომ ახალშობილებიც პირველ დეკემბრამდე ამ დახმარებას მიიღებენ “, - განაცხადა გიორგი გახარიამ.

რეგისტრაციის ინსტრუქცია ხელმისაწვდომია ჯანდაცვის სამინისტროს ვებ-გვერდზე: moh.gov.ge და ელექტრონულ პორტალზე – daxmareba.moh.gov.ge

[მარიამ ბარძიმაძე]