ახალქალაქში დაპირისპირების ფაქტზე გამოძიება დაიწყო

ცენტრალურ პარკთან მომხდარი ჩხუბის საქმეზე, გამოძიება სისხლის სამართლის კოდექსის 108–ე და 236 მუხლის მე–3 და მე–4 ნაწილებით დაიწყო.

მათგან 108–ე მუხლი განზრახ მკვლელობას გულისხმობს.

236 მუხლის მე–3 და მე–4 ნაწილები კი ცეცხლსასროლი იარაღის, საბრძოლო მასალის, ფეთქებადი ნივთიერების ან ასაფეთქებელი მოწყობილობის მართლსაწინააღმდეგო შეძენა, შენახვა, ტარებას.

ამ ეტაპზე დაკავებული არავინაა. "ჯერ–ჯერობით საგამოძიებო მოქმედებები მიმდინარეობს", – განმარტავენ შსს–ში "სამხრეთის კარიბჭესთან".

სავარაუდოდ, დამწვარია ოთხი შენობა. ადგილზე მობილიზებულია სახანძო–სამაშველო სამსახური. მათგან ინფორმაციას "სამხრეთის კარიბჭე" ამ დრომდე ელოდება.

ახალქალაქში დაპირისპირება დღეს, 8 აგვისტოს მოხდა. ჩხუბისას, ცეცხლსასროლი იარაღით მოკლულია 27 წლის ახალგაზრდა.

[ნუკა სტეფნაძე]