სამხარეო ადმინისტრაციის შენობაზე ხანძარი ლიკვიდირებულია [ვიდეო]

დღეს, 15 აგვისტოს დაახლოებით 14:00 საათზე ხანძარი სამხარეო ადმინისტრაციის შენობას გაუჩნდა. ადგილზე მობილიზებული იყო ოცამდე მეხანძრე-მაშველი და ოთხი სახანძრო–სამაშველო ბრიგადა. მეხანძრე-მაშველებს ახალციხის მუნიციპალიტეტის მერიის შპს „კეთილმოწყობის“ სამსახურის მანქანაც ემსახურებოდა.

ცეცხლი სახურავში გაჩნდა, შემდგომ კი 13 კაბინეტზე გადავიდა. ცეცხლი შენობის იმ ნაწილში გაჩნდა სადაც საჯარო მოხელეების კაბინეტებია განლაგებული. შეხვედრების დარბაზამდე ცეცხლი არ მისულა.

ადგილობრივი თვითმმართველობის ორგანოებთან ურთიერთობის სამსახურის უფროსის, ეკა ორჯონიკიძის თქმით, ცეცხლის გაჩენამდე შენობაში ხმაური იყო: „ორჯერ შუქი ჩაქვრა, მერე მგონი კონდიციონერებს ხმა ჰქონდა და ძალიან სწრაფად ჩვენი კაბინეტების სახურავს ცეცხლი მოედო“.



[sknews.ge]