სომხეთში 24 საათში 425 პირი დაინფიცირდა

ქვეყნის პრემიერ მინისტრის, ნიკოლ ფაშინიანის განცხადებით, ნიღბების არ ტარება სომხეთში კორონავირუსის გავრცელების ნომერ პირველი მიზეზია.

”ვფიქრობ, დადგა დრო ვაღიაროთ, რომ ჩვენ ვერ შევძელით ჩვენი თანამემამულეების დარწმუნება ან იძულება, რომ ისინი ყველაზე პრიმიტიული და ეფექტური ეპიდემიის საწინააღმდეგო რეკომენდაცია დაიცვან, ვგულისხმობ ნიღბებს. მოგიწოდებთ, გირჩევთ, ყველგან გაიკეთოთ პირბადე და მოხსნათ ეს პირბადე მხოლოდ ჭამის დროს, ხოლო ჭამის დროს დაიცავით სოციალური დისტანცია”, - თქვა ფაშინიანმა მთავრობის სხდომის შემდეგ გამართულ ბრიფინგზე.

ქვეყანაში სულ COVID-19-ით ინფიცირების 17489 შემთხვევაა გამოვლენილი, გამოჯანმრთელებულია 6571 პაციენტი, გარდაცვალების 293 შემთხვევაა დაფიქსირებული.

ქვეყნის ჯანდაცვის სამინისტროს დაავადებათა კონტროლისა და პრევენციის ეროვნული ცენტრის მიერ გამოქვეყნებული ინფორმაციის თანახმად, დაღუპულთაგან ყველაზე ხანდაზმული 88 წლის იყო, ხოლო ყველაზე ახალგაზრდა 63 წლის ქალი.

ამჟამად სომხეთში კორონავირუსით 10 529 ადამიანი მკურნალობს. ჩატარებული ტესტების საერთო რაოდენობაა 85 556.

[რიმა სარუხანიან, ახალციხე]